DÍLI (04 Janeiru 2023)---- Diretor dos Serviços dos Transportes Marítimo (Diretor Cabotagen Nasional) Sr. Feliciano da C. Correia reprezenta Administração dos Portos de Timor Leste, Instituto Público (APORTIL, I.P) fo esklaresimentu ba Ró ahi Berlin Nakroma ne’ebe publiku kestiona katak hetan insidente (soke) iha Portu Dili, iha loron 03 Janeiru 2023 hafoin atu aranka sai husi Portu Dili ba Oe-Cusse.
Iha Esklaresimentu ne’e, Diretor Cabotagen Nasional informa katak, iha loron 03/01/2023 hanesan publiku asesu orariu viagem ba atendimentu pasajeiru liliu oinsa garante konektividade nian entre Dili-Oecusse-Dili.
Alende ne’e, Iha loron 03/01/2023 operasaun Berlin Nakroma ninian no funsionamentu servisu lao dadauk Cabotagen Nasional iha ejijensia publiku husi pasajeirus sira iha Dili nomos RAEOA atu garantia (Arus balik) ba sira ne’ebe foin lalais ba feriadu atu fila mai Dili no ba RAEOA.
APORTIL liu husi ninia Cabotagen Nasional kordenasaun ligadu ho sira ne’ebe Autoridade Regulador hanesan DNTM (Diresaun Nasional Transporte Marítima) rasik, kordena mos ho Diresaun Nasional Meteorolojia no Geofizika (DNMG), Diresaun Cabotagen Nasional konsege faan tiket ka bileti atus ida (100) resin viagem ba iha RAEOA.
Nia Esplika, Agora momentu ida sai ne’e mak ita hotu hatene katak operasaun ró iha tasi, hasoru anin akompainadu ho korenti husi parte tasi laran sai mai liur inklui mos laloran ida ne’ebe maka forte entaun sai ba anin dudu nia mai tiha fali iha ró ahin Berlin Ramelau ninian ho situasaun anin no korenti entaun konsege dudu obriga nia kose duni iha Berlin Ramelau maibe laiha problema no kondisaun ró diak hela tanba ró kose iha tali fatin ne’e deit.
Entaun, iha insidente ne’e konsege hetan ajuda husi tugboat rua ka ró Melsre ho Laju 1 dada muda atraka ba kais parte leste terminal kontentor ninian atraka ho ró ahi Sucses depois pasajeiru hotu-hotu tun, Cabutagen Nasional avizu fila-fali, ohin (04/01/2023) tuku 08:00 ró hala’o fali opersaun husi Dili ba Oecusse.
“Ida nemak ninia akontesimentu ne’ebe maka iha ho tetu ba kondisaun Safety no Seguransa ami orseik deside kedas lahalo viagem no iha loron (04/01/2023) tuku 08:00 ró hafoin halo fali viagem husi Dili ba Oecusse ne’e mak akontesimentu ka insidente iha Porto Dilih,” Esplika Diretor.
Hafoin insidente tekniku lao diak hela tanba iha situasaun teknikamente ró atraka hanesan Dirsesaun tekniku Cabutagen Nasional koordena ho kapitaun sira, xefia makina fo resposta katak kondisaun ró diak hotu.
Depois kona ba orariu operasaun ró, ida ne’ebe maka aprova iha konsellu administrasaun Segunda Feira ba Berlin Ramelau ninian no Tersa ba iha Berlin Nakroma ba Oecusse no kinta no Sabadu ba Atauro entaun Ró Nakroma ba Oecusse semana ida dala ida.
Enkuantu, Provizoriamente ró privadu Sucses mos halo operasaun ba iha Oecusse no Atauro karik iha necesidade hanesan foin lalais ba tinan foun ho natal, Diresaun tekniku Cabutagen Nasional hala’o atendimentu extra uitoan ba iha RAEOA hodi garantiha pasajeirus ne’ebe maka barak.
“Signifika ró rua hala’i troka malu ró Berlin Ramelau ba Oecusse semana ida dala rua no Berlin Nakroma ba Oecusse semana ida dala ida ne’e ba Oecusse no ba Atauro Nakroma ba dala rua,” Nia Esplika.
Diresaun Cabotagen Nasional mos aktualiza dadus Meteorolijia ninian ne’ebe publikadu ho nia validu too loron 06 Janeiru 2023 sirkuladu hela, Diresaun Cabutagen Nasional mos sei komunika ho Autoridade Regulador nomos Kapitaun sira karik iha ne’ebe maka estrime uitoan Diresaun Cabutegen Nasional hapara operasaun.
Maibe depois de Komunikasaun situasaun Nakroma kondisaun no halo operasaun ona ba Oecusse too ona iha Maubara-Likisa laiha buat ruma akontese, maibe kona ba atendimentu faan billeti ne’ebe maka tarde Diresaun Cabutagen Nasional rekuinese no ba oin sei hare assuntu ida ne’e hodi hadia atendimentu iha tempu tuir mai.
Kona ba fatin ne’ebe la hijiene Diresaun Cabotagen Nasional- liliu APORTIL tau ona planu oinsa para bele asegura hanesan publiku asesu ona fatin pasajeirus (Terminal) domestika oinsa halo terminal ida ne’ebe maka komfortavel ba pasajeirus sira tuir komunidade sira nia hakarak tanba tinan kotuk Diresaun Cabotagen Nasional lakonsege realiza, no hein katak tinan ida ne’e bele iha esforsu ida atu bele realiza konstrusaun Terminal pasajeirus nian.
