Vizaun
APORTIL,I.P. situada iha nia area jurisdisaun sira ho objetivu atu halo esplorasaun ekonomika , konservasaun nia desenvolvimentu no garante transporte maritimu nasional, halao nia kompetênsia prerogativu autoridade portuária, nebe’e atribui ba nia tuir lei.
Misaun
1. Jere, administra no dezenvolve portu sira, garante efesiênsia nesesária ba utilizasaun espasu iha dominio públiku maritima iha nia área jurisdisaun, tantu iha linha kosteira no iha tasi laran;
2. Asegura koordenasaun, no regulasaun no fiskalizasaun ba atividade hirak nebe’e halao iha nia area jurisdisaun no lahamenus atribuisaun nebe’e lei fo ba entidade seluk;
3. Fo’o ka asegura iha nia area jurisdisaun, prestasaun servisu sira relativa ba funsionamentu portu sira, liuliu fo’o asistênsia ba ro’o ahi sira no garante seguransa ba navegasaun;
4. Elabora plano sir aba ordenamentu portuariu no haluan area portuaria hodi haruka ba ministru tutela hodi hetan aprovasaun;
5. Elabora estudu sira, planu no projeitu sira ba obra tasi laran no rai maran tuir plano no programa nebe’e aprova tiha ona;
6. Hari’i, halo akizisaun konserva no fiskaliza obra sira tasi laran nian nomo’os rai maranno ekipamentu sira nebe’e flutuante nomos iha rai maran portu nian, nune’e mos halo poupansa ba fundu no nia asesu sira;
7. Hamosu no ezekuta plano estratéjiku ba promosaun komersial iha portu sira nebe’e tama iha nia area jurisdisaun;
8. Asegura no jere transporte maríima, pasajeiru no karga entre portu nasional sira nebe’e tama iha nia area jurisdisaun;
9. Promove prinsipiu konaba ‘safety first’ (seguransa mak numeru 1) iha espasu hotu operasaun portuáriu nian.
