DÍLI (26 Outubro 2022)---- Presidente Konsellu Administração dos Portos de Timor Leste, Instituto Publico (APORTIL, I.P) Dr. Lamartinho de Oliveira akompaina husi Assesores, Vogal I, Diretores sira inklui funsionariu sira simu vizita Delegasaun husi Parlamentu Republika Federasaun Alemaña liuhusi Komisaun Kooperasaun Ekonomika, Christoph Hoffmann (Deputy Chairman) ho ekipa hodi halo fiskalizasaun ka inspesaun ba ró Berlin Ramelau.
Iha Vizita ne’e, Delegasaun husi Parlamentu Republika Federasaun Alemaña liuhusi Komisaun Kooperasaun Ekonomika, Christoph Hoffmann (Deputy Chairman) ho ekipa hala’o inspesaun kedas ba Ro Berlin Ramelau hodi oinsa hare kondisaun no rona preokupasaun ne’ebe mak husi APORTIL sei infrenta.
Iha Fiskalizasaun ne’e, Presidente C.A APORTIL, I.P hato’o agradese ba Delegasaun, Christoph Hoffmann (Deputy Chairman) ho ekipa tanba Objetivu delegasaun mai vizita Timor Leste liliu hala’o fiskalizasaun ba Ro Berlin Ramelau tanba povu German sira fo apoiu ona ro rua ba Timor Leste.
“Sira fo apoiu ita iha 2007 ne’ebe maka hahu husi Ro Berlin Nakroma ne’e esforsu ita nia Sua Exelensia Presidente da Republika Jose Manuel Ramos Horta ne’ebe maka povu German aseita ninia pedía (Pedidu) sira ne’e, nemak sira fo apoiu ro Berlin Nakroma ne’ebe fo mai ita, ne’e primeiru,” Hateten Presidente Konsellu Administração dos Portos de Timor Leste, Instituto Publico (APORTIL, I.P) Lamartinho de Oliveira ba jornalista sira, hafoin inspesaun hotu iha Portuariu, Motael.
Tuir mai, Povu German kontinua hare ba Povu Timor Leste liliu Oe-Cusse, Dili no Atauro kontinua hetan difikuldade atu asesu iha konektividade maritima ninian, entaun Povu German ho fuan boot kontinua apoiu Ro ida mai tan, nemak Berlin Ramelau no ida seluk maka Berlin Nakroma, nune’e sira konsege apoiu ro rua mai Timor Leste.
“Ita agradese ba povu German, ita agredese ba sira, lori povu Timor Leste, lori estadu nia naran, agradese ba sira tanba sira fo apoiu maximu ba ita,” Nia hato’o agredese.
Presiente C.A APORTIL Relata katak, Povu German mos iha disponibilidade atu ajuda tan Timor Leste liliu iha area tekniku ho rekursu Umanus, ne’e importante teb-tebes tanba sira tulun ona ro rua ne’ebe ohin loron sira hare Timor Leste rekursu umanu sei menus ka laiha entaun ohin APORTIL hato’o tan.
“Ohin ha’u husu, ha’u hato’o tan katak parte teknika ami presiza tan apoiu husi povu German ninia estadu liliu husi Parlamentu Alemanha nian, ajuda tan ami iha parte estaleiru, hari’I mos ami nia estaleiru par kuandu hadia ro rua ne’e lalika hasai osan barak liu, ita bele hadia deit iha rai laran,” Presidente C.A esplika.
Nia Afirma, Delegasaun ne’ebe maka mai vizita iha Timor Leste ho objetivu tanba sira fo apoiu maximu ba Timor Leste tanba ohin iha fiskalizaun APORTIL hato’o preokupasaun sira hatan katak, prontu, Povu German liuhusi Parlamentu Alemanha ninian sira kontinua exprimidade par kontinua fo apoiu nafatin Timor Leste.
“Tanba nemak ohin APORTIL husu katak, ami mezmu kiik oan ne’e foin ukun aan tinan rua nulu (20) maibe parte tekniku hanesan APORTIL nafatin iha preokupasaun, nune’e APORTIL husu par Parlamentu Alemanha ninian fo APOIU Nafatin Timor Leste liliu hari’I estaleiru Timor Leste rasik ninian tanba bainhira Ro Rua ne’e aat, la presiza hasa’i despezas bar-barak bele hadia deit iha Rai laran,” Nia hakotu.
#Media APORTIL, I.P
