DÍLI (06 Dezembro 2022)---- Presidente Conselho Administração dos Portos de Timor Leste, Instituto Publico (APORTIL, I.P) Dr. Lamartinho de Oliveira hetan akompaiña husi Vogal II, Sr. Tito da Costa Freitas Moreira, Assesor Tekniku nomos Diretor Cabutagem hala’o enkontru ho Ministru Ministério Transporte e Comunicação (MTC) Sr. José Agustinho da Silva hodi relata aktividade servisu Portuaria nian.

Iha Enkontru ne’e, Presidente Conselho Administração dos Portos de Timor Leste, Instituto Publico (APORTIL, I.P) Dr. Lamartinho de Oliveira relata informasaun dahuluk, planu preparasaun ba Ró Berlin Ramelau atu ba halo Doking ka Manutensaun iha Estranjeiru.

Hatan ba kestaun ne’e, Ministru Ministério Transporte e Comunicação (MTC) Sr. José Agustinho da Silva, Afirma katak, Timor Leste nia Ró ahi foin rua ne’ebe APORTIL, I.P esforsu para bele asegura hodi aban bainrua halo operasaun ba parte Leste no Sul nian iha futuru, ne’ebe hare preokupasaun sira ne’ebe mak iha hanesan halo Manutensaun ba Ró sira ne’e presiza halo.

Ministru José Agustinho sujere ba C.A no Asessor tekniku sira antes ba halo doking presiza hare didiak ninia dokumentus saida mak atu presiza atu ba halo doking ka halo manutensaun ne’e Ró sai ona labele akontese tan hanesan Ró Nakroma ninian.

Iha Enkontru ne’e mos, Ministru husu C.A APORTIL atu tau atensaun no aselera ba Ejekusaun Orsamentu Jeral do Estadu tinan 2022 nian tanba tinan ne’e hela semana rua ho balun remata ona, hare didiak dividas karik iha tenke resolve tiha hodi tinan oin hanoin fali ba programa foun nian tanba tinan oin tinan politiku nian ne’ebe Ministru lakoi par mandatu hotu ema sei hakilar ba Dividas nian. “Ida ne’e, ha’u lakoi akontese iha ha’u nia mandatu ninian,” Ministru Hakotu.