DARE (08-09 Dezembru 2022) ---- Administração dos Portos de Timor Leste, Instituto Público (APORTIL, I.P) realiza retiru annuál ho tema jerál “Avaliação Gestão e Desempenho no Setor da Operação Portuària em Timor Leste” durante loron rua iha Centro Retiro de Dare da Arqui-Diocese de Díli.
Iha Retiru Annual ne’e, Komisaun Organizadora kria programa hanesan Kada Diresaun Aprezenta Gestão e Desempenho servisu Diresaun ninian iha Portuária, halo reflesaun servisu durante tinan ida, Misa no ikus taka ho avaliasau diskusaun husi Konsellu Administrasaun iha retiru ne’e.`
Objetivu husi retiru ne’e, atu hadook aan iha tempu balun husi atividade ambiente loron-loron nian atu bele halo reflesaun no hanoin fila-fali atinjimentu servisu ne'ebé halo ona iha tinan ida nia laran nomos refleta aktividade saida mak seidauk atinji hodi tau hamutuk hanoin atu oinsa bele realiza iha tempu tuir mai.
Objetivu seluk husi retiru ne’e mos atu oinsa bele fo perdaun ba malu durante servisu hamutuk fo presaun ba malu iha tinan ida nia laran atu bele hadomi malu fali hodi hamutuk servisu lori instituisaun ba oin hodi serve rai doben Timor Leste.
Iha Retiru Annual ne’e mos hetan abertura husi Reprezentante Ministru Transporte no Komunkasaun (MTK) Diretor Geral, Sr Albinho Maia Barretono akompaina husi Conselho Administrasaun APORTIL, I.P, Assesores, Inklui funsionariu sira.
Iha abertura ba retiru annuál ne’e, Presidente Conselho Administração dos Portos de Timor Leste, Instituto Público (APORTIL, I.P) Lamartinho de Oliveira, Hatete, Retiru ne’e atu refleta fila-fali pontu servisu sira ne’ebé atinje ona ninia metas no pontu sira ne’ebé maka seidauk atinje atu bele kontinua iha tinan oin.
“Ohin ita nia hamutuk iha fatin ida ne’e, Produtivu teb-tebes tanba tuir Papa Bento XVI ninia liafuan ida katak “Tempo Motato, Et Motato, It Iris” liafuan ne’e mai husi latina, ne’ebe ohin ita hamutuk mai iha fatin ida ne’e, saida mak ita kolia iha ne’e, hotu iha ne’e hodi saida mak ita hare hodi hadia iha tempu tuir mai tanba tetiru ida ne’e, atu lori ita hotu hamutuk hodi apresia ita nia aan no fó valor ba idak-idak nia aan no hases ita nia aan husi hanoin kona-ba servisu no iha biban ne’e mós atu halo funsionáriu sira bele koñese malu di’ak liu tan,” Haktuir Presidente Conselho Administração dos Portos de Timor Leste, Instituto Público (APORTIL, I.P) Lamartinho de Oliveira liuhusi diskursu badak.
Señor Presidente Conselho mós informa katak, Tinan oin Konselho Administrasaun mos sei hadia salariu ba funsionariu sira tanba funsionariu sira ne’ebe mak hala’o servisu iha APORTIL salariu seidauk tuir standarizasaun Intituto Publiku nian.
APORTIL, I.P atinje servisu lubuk ida hodi kontribui ba nasaun no susesu ne’ebé iha mai hosi funsionáriu hotu-hotu nia kontribuisaun tuir idak-idak nia funsaun, buat ne’ebé seidauk atinje rai hela iha kabas atu kontinua iha tinan oin.
Presidente Konsellu Administrasaun mós husu nafatin ba funsionáriu sira atu mantein nafatin ambiente ne’ebé di’ak iha APORTIL, I.P atu bele servisu hamutuk hodi atinje mehi ne'ebé APORTIL iha.
Iha biban ne’e, Padre sira halo mós reflesaun sobre “Belun” ho “Metanoia ka Arrependimentu” ne’ebé liga ho tópiku “Juntos Servir a Deus e Trabalhar com Máxima Responsabilidade” katak bainhira hala’o servisu tenke loyalidade nomos foti desizaun honestu no justu hodi labele hetan arrependimentu iha tempu tuir mai.
Retiru annual 2022 ne’e, Kria Komisaun ne’ebé lidera husi Diretór Rekursu Umanu (RH) Sr. Jóse da Conceinção da Costa hamutuk ho Xefe Departamentu Planeamentu inklui funsionariu sira husi Diresaun Infraestrutura.
Retiru durante loron rua, hetan partisipasaun másimu husi Presidente Conselho Administração dos Portos de Timor Leste, Instituto Público (APORTIL, I.P) Dr. Lamartinho de Oliveira, Vogal II, Sr. Tito da Costa Freitas Moreira, Diretór Diresaun, Assesor Legal nomós funsionáriu sira hotu husi APORTIL, I.P.
