BAUCAU (22 Dezembru 2022)---- Reprezentante Presidente APORTIL I.P, Diretor Rekursu Umanu, Sr. José da C. da Costa akompaiña Diretor Geral Administrasaun no Finansas, Ministeriu Transporte no Comunikasaun (DGAF-MTC) Sr. Albino Maia Barreto ho Secretária de Estadu Igualdade no Inkluzaun (SEII) Dra. Maria do Rosário Fátima Correia, abertura sosializasaun Politika Implementasaun Jéneru ho Tema Jeral “Dezemvolvimentu ba Politika Implementasaun Jéneru iha Area Transporte Públiku ho Seguru ba Mudansa Incluzivu”iha Munisipiu Baucau.

Sosializasaun Politika Implementasaun Jéneru ne’ebe hala’o husi Grupu Trabalho Géneru Naçional no Inkluzaun Sosial (GTGNIS) ne’ebe forma husi Ministeriu Transporte no Comunikasaun (MTC) hamutuk ho Secretária de Estadu Igualdade no Inkluzaun (SEII) hodi hala’o sosializasaun Politika Implementasaun Jéneru.

Objetivu Sosializasaun ne’e atu oinsa fahe informasaun ba komunidade sira especial ba, Kondutores ba Transporte Públikus, Feto Rurais, Labarik, Ema ho Defisiensia (EhD) no Lesbian Gay Bisexual Transgender (LGBT) hodi bele hetan seguru iha asesu ka uza ba dalan publiku no asesibilidade ba Transporte Públikus.

Iha sosializasaun ne’e, hetan aprezentasaun Matéria husi, Diresaun Nasional Transporte no Terrestres, (DNTT) ba benefisiarius sira hanesan Kondutores ba Transporte Públikus, Feto Rurais, Labarik, EhD no LGBT hodi bele hatene liutan informasaun kona ba asesu dalan publiku no asesibilidade ba Transporte Públikus nomos hetan animasaun toka Violinu husi Estudantes sira.

Iha sosializasaun ne’e mos hetan partisipasaun husi, Autoridade Lokal, sira hanesan Reprezentante Presidente Autoridade Munispiu Baucau, Administradores do Postu, Xefe Suku iha vila laran, Feto Potensial, Instituto Relijiozu inklui benefisiarius Feto Rurais, Labarik, EhD no LGBT.