DÍLI (04 Janeiru 2023)---- Presidente Conselho Administração dos Portos de Timor Leste, Instituto Público (APORTIL, I.P) Dr. Lamartinho de Oliveira akompaina husi Vogal II, Sr. Tito da C. F Morreira realiza enkontru dahuluk ho Assesores, Diretores Diresaun inklui Xefia Departamentu sira iha salaun APORTIL, I.P Portuariu Dili.
Iha sesaun enkontru, Konsellu Administrasaun prepara asuntu imporante tolu (3) atu oinsa deskute no aprezenta iha sesaun enkontru dahuluk tinan 2023 nian. Asuntu imporante tolu (3) ne’ebe Konsellu Administrasaun prepara mak hanesan, Submisaun Relatóriu Anúal tinan 2022, Implementasaun Orsamentu ka Planu Annual 2023 no ikus Aprezentasaun Resultadu Portal APORTIL, I.P.
Iha sesaun enkontru, Intervensaun Presidente Conselho Administração APORTIL husu Diretores Diresaun no Xefia Departamentu sira atu oinsa tau atensaun ba funsionariu sira hodi kumpri servisu tuir regras no lei ne’ebe vigora ona tanba tinan ida ne’e Conselho Administração sei komesa implementa lei liu-liu funsionariu publiku sira, rekursu umanu tau atensaun ba lei refere.
“Ita agora ba oin tinan foun ida ne’e, ita komesa implementa ona lei liu-liu ba funsionariu sira, rekursu umanus tau atensaun ba buat ida ne’e, funsionariu publiku ne’ebe ladun tama tau atensaun tenke kumpri regras, ne’e ita implementa ida ne’e ona maibe ba funsionariu kontratadu lalika demora demais ba oin implementa ona lei,” Intervensaun Presidente Conselho Administração APORTIL, I.P iha salaun APORTIL, Portuariu Dili.
Prezidente C.A kestiona mos kona ba konseitu relatoriu atu oinsa Diretores Diresaun, Xefia Departamentu sira hodi bele tau atensaun, tinan 2023 Konsellu Administrasaun muda sistema, muda stratejia management tanba tinan 2022 konsellu mai ho sistema ne’ebe ladun konsiente atu muda sistema, agora tinan ida ne’e konsellu foun foin maka implementa programa ne’ebe konsellu iha no prepara didiak programa sira ne’e hodi oinsa bele hadia sistema ne’ebe maka iha APORTIL.
Hafoin intervensaun hotu, Xefia Departamentu Informasaun no Teknolojia (IT) halo aprezentasaun progresu resultadu Portal APORTIL, I.P. ne’ebe tuir data ne’ebe preve sei hala’o lansamentu iha loron 09 Janeiru 2023.
