Díli (03 Outubro 2022), Presidente Administração dos Portos de Timor Leste, Instituto Publico (APORTIL-I.P) Dr. Lamartinho de Oliveira prezide Serimónia Isar Bandeira loron Semana Dahuluk fulan Outubro 2022.
Iha serimónia ne’e, Funsionariu/a APORTIL mos responsabiliza ba coru kantiku Ino Nasional ne’ebe maka kanta husi Funsionariu/a.
Iha serimónia ne’e, Presidente Administração dos Portos de Timor Leste, Instituto Publico (APORTIL-I.P) transforma mensagem do Ministro Ministerio Transporte e Comunicação (MTC) kona ba ezekusaun Orsamentu Jeral do Estado (OJE) ne’ebe Ministerio Transporte e Comunicação (MTC) ninian lao sei minimu tebes.
“Ohin loron ita sira ne’ebe maka servi estadu ida ne’e presiza tau atensaun maka’as ba liafuan tolu ne’ebe maka hanesan save mensagem husi Ministru Transporte no Komunikasaun (MTK) Sr. José Agustinho da Silva atu oinsa bele toma atensaun maximu. Tau Atensaun maksimum ba ezekusaun Orsamentu Jeral do Estadu (OJE) 2022 no preparativus ba diskusaun OJE 2023 ninian,” Hateten Presidente Administração dos Portos de Timor Leste, Instituto Publico (APORTIL-I.P) Dr. Lamartinho de Oliveira liuhusi diskursu, iha serimonia isar bandeira semana dahuluk fulan Outubro 2022, iha Edifisiu MTK nian, Segunda (03/10/2022)
Mesagem Exmo Ministru MTK, Sr. José Agustinho da Silva sms mai Presidente Administração dos Portos de Timor Leste, Instituto Publicu (APORTIL-I.P) atu oinsa transforma ba funsionáriu/a sira hotu atu oinsa tau atensaun maximu ba servisu ministeriu ninian ne’ebe maka iha tanba tinan 2022 hela fulan rua remata ona maibe ezekusaun OJE 2022 Ministeriu Transporte no Komunikasaun lao hakdasak hela.
Ministru MTK, Sr. José Agustinho da Silva dehan ezekusaun Orsamentu Jeral do Estadu (OJE) 2022 minimu tebes, ita hanesan liman-ain ba governu ita tenke hala’i, labele toba demais ita nia eroi sira mate liu ona, ita tenke hader kaer metin kuda tali maibe agora ita hare ba hanesan makina do estadu lakoi halai no book aan semak muda ita nian.
“Ida ne’e presiza tau iha ita ida-idak nia fuan ho laran,” Katak Presidente APORTIL.
Presidente APORTIL Hatutan, Serimonia (Upacara) sira hanesan ne’e hatudu katak, ita hamrik ho ita nia Nasaun ho ran nakfakar ho ema 450 mil pesoas mate tanba Nasaun ida (Timor Leste) ne’e, ita nia maun sira kolia dehan, Portugal, ONU, Indonesia ne’ebe fo hadia mai ita, maibe liuhusi prosesu ida lafasil, fakar ita nia ran, ita nia ruin naklekar to’o ohin loron balun seidauk hetan, ita sira ne’ebe moris ita haksolok iha sira-nia leten, nemos dehan sira kolen tanba ne’e presiza ita kuda ita nia neon ba.
Tuir mai, Disiplina, realidade ita sidadaun, nudar makina do estadu tenke ónestu osan ba liur liliu transmisaun direita sira tanba tuir observasaun barak maka seidauk disiplina, haluha aan, ita laiha interese do estadu atu oinsa servi ho diak no dignu, ita haluhan tiha ita nia eroi sira ne’ebe fakar raan ba rai doben ida ne’e.
Ho martires sira ne’ebe maka fakar ran ohin loron ita sira ne’ebe moris no hamrik iha ne’e maka hatutan sira nia luta hodi liverta rai ida ne’e ba oin nafatin.
Iha serimonia isar bandeira ne'e, hetan partisipasaun maximu husi Diretores ezekutivus, Xefia Departamentu sira, nomos Funsionariu/a sira hotu husi Ministeriu no instituisaun tutela sira hotu.
#Media APORTIL-I.P
