DILI, 17 MAIU 2024
Prezidenti Aportil IP, Sr. José de Oliveira Leong, akompaña hosi Diretór Infraestrutura Patrimóniu Portuária Sr. Constancio Freitas partisipa iha reuniaun Governu ho Parseiru Dezenvolvimentu, Timor-Leste Development Partners Meeting (TLDPM ) ne’ebé realiza ho lema “Timor Asaun Planu Tinan Lima Governu Konstitusionál da-9 nian”.

Objetivu hosi sorumutu ne’e atu haree kona-ba dezenvolvimentu durante tinan lima ho baze ba Planu Estratéjiku Dezenvolvimentu Nasioál.

Sorumutu TLDPM nu’udar instrumentu ida hodi halo avaliasaun, análize oinsá mandatu governu da-9 nian bele ezekuta planu no programa ho di’ak.

Reuniaun ne'e prezide husi Primeiru-Ministru, Kay Rala Xanana Gusmão partisipa husi Membru Governu, Membru Parlamentu Nasionál, Reprezentante Korpu Diplomátiku, Parseiru Dezemvolvimentu, Setór Privadu, Organizasaun Sosiedade Sivíl, Ajensia Lokál, Ajensia Internasionál, Embaixador, no Reprezentante Organizasaun Internasionál sira.

Reuniaun ne'e hala'o durante loron tolu hahu husi  loron 15 to 17 Fulan Maiu Tinan 2024 iha salaun auditóriun Kay Rala Xanana Gusmão Ministériu Finansas Aitarak Laran.